Namo Ebdullah

Ji sala 2010an ve bi Rûdawê re kar dike. Bo yekemîn car Namo Ebdullah wek yekemîn rojnamevanê Kurd û yekemîn peyamnêrê dezgeheke medyayî ya Kurdistanê, ji sala 2013an ve beşdarî di konferansên rojnamevanî yên Wezareta Derve ya Amerîkayê de kiriye û heta niha jî berdewam e. Herwiha çend caran jî di konferansên rojnamevanî yên Koşka SApî de beşdar bûye.

Namo Ebdullah, yekemîn rojnamevanê Kurd e ku pirsyarên di nav hizra Kurdan de gihandiye konferansên rojnamevanî yên Wezareta Derve û Koşka Spî. Di dema êrîşa DAIŞê bo ser Şingalê û Kobanî û cenosaydkirina Kurdên Êzidî de, Namo Ebdullah bi pirsyarên ku ji Wezareta Derve ya Amerîkayê pirsîn, di nav xelkê de gelek xweştivî bû.

Namo Ebdullah, bo demekê bernameya şîroveyî ya (Ji Waşingtonê ve) û herwiha bernameya (Li gel Namo) li stodyuya Rûdawê ya li Waşingtonê pêşkêş dikir.

Rûmala gelek konferansên giring ên Amerîkayê û rûmala hilbijartinên Amerîkayê kiriye.

Namo Ebdullah di sala 1987an de li qezaya Kelarê ya Başûrê Kurdistanê ji dayik bûye, xwendina xwe ya bingehîn li heman qezayê qedandiye, qonaxên navendî û lîseyê jî li Hewlêrê xwendiye. Xwendina xwe ya bilind li Zanîngeha Kurdistan-Hewlêrê qedandiye û di Zanistên Siyasî û Peywendiyên Navdewletî de bawernameya Bakaloriyusê wergirtiye.

Di sala 2011an de çûye Amerîkayê. Di warê rojnamevaniyê de, Master li Zanîngeha Columbia ya bajarê New Yorkê wergirtiye. Pisporiya wî rûmalkirina siyaseta Amerîkayê ye.

Raportên Namo di çendîn dezgehên medyayî yên navdar de hatine belavkirin, wek; Rojnameya The New York Times, Ajansa Nûçeyan a Reuters, Ajansa Nûçeyên Mirovî ya Netewên Yekgirtî, Peymangeha Rojnamevanî ya Şer û Aştî ku naveda wê li bajarê Londonê ye.

Namo di warê rojnamevaniyê de du xelat wergirtine. Ya yekem, Skolarşîpa Komeleya Rojnamevanên Koşka Spî, ku ji aliyê Serokê Amerîkayê Barack Obama bixwe û xanima yekem a Amerîkayê, Michael Obama ve li Waşingtonê hat dayîn. Ew tekane xwendekarê zanîngeha xwe bû, ku ew xelat wergirt. Ya duyem, xelata Baştirîn û Kûrtirîn Nivîs bû ku Komeleya Rojnamevanên Katolîk a Keneda û Wîlayetên Yekgirtiyên Amerîkayê, di heman salê de da wî.