Hewlêr (Rûdaw) - Piştî ku Amerîkayê siza li ser kompanyayên petrolê yên Rûsyayê sepandin bihayê petrolê îro bi rêjeya ji sedî 2,5 bilind bû.
Bihayê petrola brent a Deryaya Bakur 1 dolar û 56 sentan bilind bû û bi 64 dolar û 15 sentan hat kirîn û firotin.
Bihayê petrola sivik a Teksasê ya Amerîkayê 1 dolar û 53 sentan bilind bû û bi 60 dolar û 3 sentan hat kirîn û firotin.
Amerîkayê ji Rûsyayê xwest ku demildest agirbestê ragihîne û gefa sepandina sizayên zêdetir li Rûsyayê xwar.
Amerîka bi hêviya ku Rûsyayê bi agirbestê razî bike heta niha razî nebûbû ku zexteke zêdetir li Rûsyayê bike û kompanyayên petrolê ceza bike lê Rûsya êrişên xwe yên li ser Ukraynayê didomîne.
Wezareta Xezîneyê ya Amerîkayê siza li ser du kompanyayên mezin ên Rûsyayê (Rosneft û Lukoil) sepandin.
Hefteya borî jî Brîtanyayê siza li ser her du kompanyayan sepandibûn.
Li aliyê din, Yekîtiya Ewropayê pakêta 19emîn a sizayên li ser Rûsyayê pesend kir ku qedexekirina gaza şil (LNG) a ji Rûsyayê di nav xwe de dihewîne.
Philip Novayê analîstê kompanyaya şêwirmendiyê ya Philip Novayê ragihand:
"Sizayên nû yên li ser şirketên petrolê yên Rûsyayê dibin sedema kêmbûna dabînkirina petrolê û vê yekê jî bihayên petrolê bilind kirine."
