Hewlêr (Rûdaw) - Bihayê petrolê çarşemê di dema girtina bazaran de daket.
Bermîlek petrola brent a Deryaya Bakur 14 centan daket û bi 62 dolar û 24 centan hat firotin.
Bermîlek petrola sivik a Teksasa Amerîkayê jî 13 centan daket û bi 58 dolar û 29 centan hat firotin.
Bihayên petrolê 2025an piştî sala 2020î daketina herî mezin a salane tomar kir.
Zêdebûna dixwaza petrolê û pêşbîniyên hêdîbûna aboriya Amerîkayê zext li ser bihayên petrolê zêde kiriye.
"Bazara petrolê nekarî bertek nîşan bide"
Şirovekarê şirketa şêwirmendiyê ya IGyê Tony Sycamore li ser mijarê got:
"Bazara petrolê piştî zêdebûna pirsgirêkên jeopolîtîk ên têkildarî pêwendiyên di navbera Venezuela û Amerîkayê de jî, nekarî bertekeke berbiçav nîşan bide."
Îsaê heta niha bihayê petrola brent ji sedî 12 û bihayê petrola sivik a Teksasê jî ji sedî 18 daketiye.
Ev jî daketina herî mezin a salane ya bihayê petrolê ye piştî koronayê.
