Hewlêr (Rûdaw) - Serokkomarê Fransayê Emmanuel Macron ragihand ku welatê wan piştgiriyê dide Sûriyeyeke xwedî serwerî ku rêzê li hemû pêkhateyên xwe digire.
Serokkomarê Fransayê Emmanuel Macron li ser platforma Xê peyamek têkildarî lihevkirina HSD û birêvebiriya Şamê belav kir.
Emmanuel Macron di peyama xwe di peyama xwe de got:
"Sûriyeyeke xwedî serwerî, yekgirtî û aram. Sriyeyeke ku di nav aştiyê de ye û rêzê li hemû pêkhateyên xwe digire.
Sûriyeyeke ku bi temamî tevlî têkoşîna li dijî terorê bûye. Ev e ya ku Fransa piştgiriyê didi wê."
Pîrozbahî li û Mezlûm Ebdî û Ehmed Şer kir
Macron, ji bo lihevkirinê pîrozbahî li Fermandarê Giştî yê HSDyê û Serokkomarê Demkî yê Sûriyeyê Ehmed Şer kir.
Macron diyar kir ku wan rêkeftineke berfireh pejirandiye ku rê dide agirbesteke mayînde û entegrasyona aştiyane ya HSDyê.
Serokkomarê Fransayê destnîşan kir ku welatê wan dê piştgiriyê bide pêkanîna temam a wê rêkeftinê û got:
"Fransa dê bi hevahengiya li gel şirîkên xwe, li ser rêya aramî, dadmendî û jinûveavakirinê piştgiriya Sûriye û xelkê Sûriyeyê bidomîne."
Une Syrie souveraine, unie et stable.
— Emmanuel Macron (@EmmanuelMacron) January 30, 2026
Une Syrie en paix et respectueuse de toutes ses composantes.
Une Syrie pleinement impliquée dans la lutte contre le terrorisme.
Voilà ce que la France soutient.…