Hewlêr (Rûdaw) - Nêçîrvan Barzanî di roja duyem a Konferansa Ewlehiyê ya Munîhê de bi gelek serok û serkirdeyên cîhanê re civiya.
Yek ji wan berpirsên pilebilind ên cîhanê ku Nêçîrvan Barzanî pê re rûnişt, Wezîrê Karên Derve yê Amerîkayê Marco Rubio bû.
Serokê Herêma Kurdistanê Nêçîrvan Barzanî li ser civîna xwe ya bi Marco Rubio re ragihand:
"Min spasiya Wezîr Rubio kir ku Amerîka piştgiriya xwe ya ji bo Îraq û Herêma Kurdistanê didomîne.
Her wiha min tekezî li ser xurtbûna hevpariya me ya stratejîk kir ku li ser bingeha berjewendiyên hevbeş û pêbendiya hevbeş a ji bo aramiya herêmê hatiye avakirin."
#VÎDEO - Nêçîrvan Barzanî û Marco Rubio civiyan
— RudawKurdi (@RudawKurdi) February 14, 2026
💢 Serokê Herêma Kurdistanê Nêçîrvan Barzanî di çarçoveya Konferansa Ewlehiyê ya Munîhê de bi Wezîrê Karên Derve yê Amerîkayê Marco Rubio re civiya#MSC2026 #Kurdistan #USA pic.twitter.com/zej2ADVOrK
Pêwendiyên bi Kongreya Amerîkayê re
Şandeya Kongreya Amerîkayê ya bi serokatiya Lindsey Graham, senatorê herî pilebilind ê Komariyan û dostê nêzîk ê Trump jî bi Nêçîrvan Barzanî û şandeya pê re civiya.
Di civînê de li ser pêwendiyên dualî, bipêşxistina hevkariya hevbeş, rewşa gelê Kurd a li Sûriye û Rojavayê Kurdistanê dan û standin hatin kirin.
Serokê Herêma Kurdistanê Nêçîrvan Barzanî da zanîn:
"Ez ji bo rola Kongreya Amerîkayê ya di piştgiriya aştî û aramiya herêma me de spasdar im."
#VÎDEO - Serokê Herêma Kurdistanê Nêçîrvan Barzanî li Munîhê bi şandeyeke Kongreya Amerîkayê re civiya
— RudawKurdi (@RudawKurdi) February 14, 2026
🏮Senator Lindsey Graham serokatiya şandeya Amerîkayê dike#MSC2026 pic.twitter.com/rvYIeZ9r7M
Piştgiriya Ewropayê ya ji bo Kurdistanê
Di civîneke din de, Seroka Komîsyona Yekîtiya Ewropayê (YE) Ursula von der Leyenê piştgiriya Ewropayê ya ji bo aramiya Herêma Kurdistanê ducare kir.
Von der Leyenê pesnê hewlên Nêçîrvan Barzanî û rola Herêma Kurdistanê ya wekî faktoreke girîng a aramiya li herêmê da.
Nêçîrvan Barzanî li ser vê hevdîtinê jî got:
"Derfeteke girîng bû ku em li ser wan mijarên ku di berjewendiya her du aliyan de ne dan û standinan bikin.
Min spasiya Seroka Komîsyonê û Yekîtiya Ewropayê kir ku bi berdewamî piştgiriya Îraq û Herêma Kurdistanê dikin."
#VÎDEO - Serokê Herêma Kurdistanê Nêçîrvan Barzanî li Munîhê bi Seroka Komîsyona Yekîtiya Ewropayê Ursula von der Leyenê re civiya#MSC2026 pic.twitter.com/P52WdgoxKn
— RudawKurdi (@RudawKurdi) February 14, 2026
Bipêşxistina pêwendiyên bi Holendayê re
Serokê Herêma Kurdistanê her wiha ragihand ku ew li gel Serokwezîrê Holendayê Dick Schoof li ser xurtkirina pêwendiyan û pêşhatên li Rojhilata Navîn axiviye.
Serokwezîrê Holendayê Dick Schoof li ser civînê da zanîn:
"Civîneke gelekî baş bû, me dan û standineke nîşane kir çimkî em du dost in.
Holenda helbet gelek alîkariyan pêşkêş dike.
Konsulê me yê gelekî baş li Hewlêrê heye, loma serdaneke pir nîşane bû."
#VÎDEO - Serokê Herêma Kurdistanê Nêçîrvan Barzanî bi Serokwezîrê Holendayê Dick Schoof re civiya
— RudawKurdi (@RudawKurdi) February 14, 2026
🏮Hevdîtinên Nêçîrvan Barzanî yên li Konferansa Ewlehiyê ya Munîhê didomin#MSC2026 pic.twitter.com/aYAwTLZukW
Rewşa Sûriye û Rojavayê Kurdistanê
Rewşa Sûriye û Rojavayê Kurdistanê di hemû civîn û hevdîtinên Serokê Herêma Kurdistanê yên bi serkirdeyên cîhanê û herêmê re mijareke sereke bû.
Di civîna bi Wezîrê Karên Derve yê Sûriyeyê re de, Şamê pesnê rola serkirdayetiya Herêma Kurdistanê ya di peymana navbera Şam û HSDyê de da.
Her wiha spasiya Hewlêrê kir ku alîkariya koçberan dike û ji bo parastina aramiya li herêmê dixebite.
Her du aliyan tekezî li ser girîngiya çareserkirina krîzên Sûriye û Rojavayê Kurdistanê kir.
Wezîrê Karên Derve yê Sûriyeyê Eshed Şeybanî ji Rûdawê re ragihand:
"Civîna me ya bi Birêz Nêçîrvan re gelekî baş bû. Hevdîtinên me berdewam in.
Birêz Nêçîrvan Barzanî careke din piştgiriya xwe ya ji bo peymana niha ya bi HSDyê re diyar kir û her wiha tekezî li ser piştgiriya xwe ya ji bo yekîtî û silametiya axa Sûriyeyê kir."
#VÎDEO - Nêçîrvan Barzanî û Eshed Şeybanî civiyan
— RudawKurdi (@RudawKurdi) February 14, 2026
💢 Serokê Herêma Kurdistanê Nêçîrvan Barzanî di çarçoveya Konferansa Ewlehiyê ya Munîhê de bi Wezîrê Karên Derve yê Sûriyeyê Eshed Şeybanî re civiya#MSC2026 pic.twitter.com/WceGmOS8wo
Civînên bi Komkara Ereban û Almanyayê re
Pêşhatên siyasî û ewlehiyê yên Îraq û herêmê mijarên sereke yên civîna Nêçîrvan Barzanî û Sekreterê Giştî yê Komkara Ereban Ehmed Ebûlxeyt bûn.
Ehmed Ebûlgeyt li ser civînê got:
"Civîneke nîşane bû. Em piştgiriya wî dikin; em piştgiriya hemû herêmê dikin û em hêviya herî baş ji bo we û gelê Kurd dixwazin."
Serokê Herêma Kurdistanê her wiha bi Wezîrê Dewletê yê Wezareta Parastinê ya Almanyayê Nils Schmid re civiya.
Nils Schmid tekez kir ku welatê wî dê di piştgiriya Îraq û Herêma Kurdistanê de ji bo parastina aştî û aramiya herêmê berdewam be.
Nêçîrvan Barzanî her wiha bi Wezîrê Karên Derve yê Vatîkanê Paul Richard Gallagher re jî pêşhatên dawî yên li herêmê û rewşa pêkhateyên dînî û neteweyî nirxand.
#GRAFÎK - Serokê Herêma Kurdistanê Nêçîrvan Barzanî û Sekreterê Giştî yê Komkara Ereban Ehmed Ebûlxeyt li Konferansa Ewlehiyê ya Munîhê civiyan
— RudawKurdi (@RudawKurdi) February 14, 2026
Serokê Herêma Kurdistanê û Sekreterê Giştî yê Komkara Ereban:
🎙 ❝Divê herêm ji aloziyan were dûrxistin❞#MSC2026 pic.twitter.com/0UC9jBjEhC