Hewlêr (Rûdaw) - Rêxistina ISWAPê ya girêdayî DAIŞê li bakurrojhilatê Nîjeryayê êrişek pêk anî.
Li gorî medyaya Nîjeryayê, di êrişê de 8 leşker hatine kuştin û 23 leşker jî birîndar bûne.
Rayedarekî leşkerî ragihand ku çekdarên ISWAPê êrişî baregeheke leşkerî ya li gundê Kauwayê yê eyaleta Bornoyê kiriye.
Nîjerya ev demeke dirêj e li gelek deverên welêt rûbirûyî êrişên komên çekdar û rêxistinên terorîst dibe.
Di nav wan rêxistinan de Boko Heram û ISWAP jî hene.