Hewlêr (Rûdaw) - Li bajarê Kerbelayê yê Îraqê zarokekî 9 salî di nav boriyeke hesinî ya avê de asê ma û tîmên parastina sivîlan ew rizgar kir.
Hevahengkarê Ragihandinê yê Birêvebiriya Parastina Sivîlan a Îraqê Newas Sebah Şakir ji Tora Medyayî ya Rûdawê re ragihand:
"Ew zarokê 9 salî ketiye nav boriyeke hesinî ya avê.
Ew borî ji ber çêkirina tora avê li derve bûye û zarok tê de asê maye."
Birêvebiriya Parastina Sivîlan a Îraqê dîmenên rizgarkirina wî zarokî belav kirin.
Di dîmenan de tê dîtin ku tîm boriyê dibirin û zarok derdixin.
Newas Sebah Şakir eşkere kir ku piştî gihîştina tîman a cihê bûyerê, rizgarkirina wî zarokî 20 xulekan ajotiye.