Hewlêr (Rûdaw) - Li Hewlêrê 3 endamên malbatekê hatin kuştin ku ji dayîk, bav û kurê wan pêk tên.
Xizmên kuştiyan ji Rûdawê re ragihand ku du endamên malbatê hatine xeniqandin û kurê wan jî bi kêrê hatiye kuştin.
“Malbateke feqîr bû”
Li gorî gotina xizmên wan, "Ew malbateke gelekî feqîr û bê zerer bû."
Xizmên wan diyar kir ku ew heta şeva borî jî li mala xwe bûn lê ji nîvro û bi şûn de haya wan ji malbatê nemaye û nizanin bê ma kujer çend kes in.
Bûyerê li Taxa Sûrçiyan a Hewlêrê rû da û heta niha nayê zanîn bê ma kê ev tawan kiriye.
Termên kuştiyan ji bo otopsiyê veguhastine Tiba Dadî ya Hewlêrê.