Hewlêr (Rûdaw) - Serokê Dezgeha Xêrxwaziyê ya Barzanî dibêje, rojane alîkariyên Tora Medyayî ya Rûdawê li ser welatiyên Rojavayê Kurdistanê tên dabeşkirin û heta îro li Qamişlo, Dêrik, Amûde û Hisîçayê alîkarî belav kirine.
Kampanyaya "Renca Rûdaw" ku Tora Medyayî ya Rûdawê şeva 22yê vê mehê li ber Mizgefta Celîl Xeyatê ya li Hewlêrê dest pê kiribû.
Ji bilî Hewlêrê, li ofîsên Rûdawê yên li Silêmanî û Dihokê jî alîkarî hatin komkirin.
Nêzîkî 120 barhilgir ji wan kelûpelên welatiyan di kampanyaya Tora Medyayî ya Rûdawê de pêşkêş kiribûn, gihîştin Rojavayê Kurdistanê.
Dezgeha Xêrxwaziyê ya Barzanî alîkariyên ku di çarçoveya Kampanyaya "Renca Rûdaw" dehatine komkirin li Rojavayê Kurdistanê belav dike.
Serokê Dezgeha Xêrxwaziyê ya Barzanî Mûsa Ehmed li ser belavkirina alîkariyan ji Rûdawê re got:
"Piraniya alîkariyan gihîştine û ev sê roj in em belav dikin. Sie dê beşa dawî bigihîje Rojavayê Kurdistanê ku ji 80 barhilgiran pêk tên."
Serokê Dezgeha Xêrxwaziyê ya Barzanî got, "Cara yekem me alîkarî gihand Hisîçayê ku ji kampanyaya Rûdawê bû.
Me her wiha li Qamişlo, Dêrik û Amûdeyê jî alîkariyên Rûdawê dan welatiyan."
Qonaxa yekem a belavkirinê
Li gorî gotina Mûsa Ehmed, ew îro qonaxa yekem a belavkirina alîkariyan a li koçberan temam dikin ku piraniya koçberan li xwe digire yên ku li dibistan, mizgeft û avahiyên nîvcomayî hatine bicihkirin.
Mûsa Ehmed her wiha got, "Dû re em dê alîkariyan bigihînin koçberên nav taxan û piştî wan hemû welatiyên Rojavayê Kurdistanê yên ku pêdiviya wan hebe dê alîkarî ji wan re were dayîn."
Kel û pelên curbicur
Kel û pelên kampanyaya Rûdawê curbicur in.
Mûsa Ehmed dibêje, "Îro yên mayî di barhilgiran de li depoyan tên komkirin û ji bo belavkirinê tên amadekirin.
Lê em ard ranagirin û rasterast didin firin û aşxaneyên xwe yên ku xwarina germ amade dikin."
Alîkariyên ku hatine komkirin
Di kampanyaya Rûdawê de ku 126 barhilgirên cuda ne, ev kel û pel hatine komkirin:
Derman û pêdiviyên bijîşkî: 55,4 ton
Birinc: 133 ton
Ard: 31 ton
Şîrê tîr: 8 ton
Şîrê toz: 37,6 ton
Paqijker, sabûn û şampûan: 8,2 ton
Ava firingiyan: 9,035 ton
Masiyên qutiyan: 24,6 ton
Goştê sor û goştê mirîşkan ên qutiyan: 26,8 ton
Nan: 5,6 ton
Rûn: 48,5 ton
Nok: 17,2 ton
Fasûlye: 30,5 ton
Nîsk: 15 ton
Savar: 8,7 ton
Mafûr: 24 ton
Mast û penîr: 7,05 ton
Meqerne: 22,01 ton
Vexwarinên gazî: 34,93 ton
Cil û berg: 21,3 ton
Şîremenî: 1,53 ton
Çay: 0,9 ton
Indomî: 0,8 ton
Şekir: 1,8 ton
Ew kel û pelên bi karton û heb in:
Betanî: 9014 heb
Doşek: 3039 heb
Balîf: 415 heb
Sebeteya xwarinê: 11,614 heb
Kartona cixareyan: 105 heb
Sobe: 3506 heb
Şarj: 1480 heb
Pêdiviyên taybet ên jin û zarokan: 3567 karton
Beroş (qûşxane): 1182 heb
Av: 2700 karton
Pêlavên zarokan: 33 karton
Bîberonên şîr: 960 heb