Hewlêr (Rûdaw) - Li navçeya Qoserê ya parêzgeha Mêrdînê ya Bakurê Kurdistanê, agir bi malekê ket, 2 kes mirin û 2 kes birîndar bûn.
Li gundê Heremhedadê yê Qoserê îro ji ber sedemeke nehat zanîn agir bi mala malbata Kuzuyan ket.
Li ser agahdarkirinê tîmên agirvemirandinê û tîmên tenduristiyê çûn cihê bûyerê.
Agir ji aliyê tîmên agir vemirandinê ve hat vemirandin, lê di encama agir de Hamît Kuzu û Azîze Kuzu canê xwe ji dest da û Huseyin Kuzu û Ahmet Kuzu jî bi giranî birîndar bûn.
Tîmên tenduristiyê Huseyin Kuzu û Ahmet Kuzu birin Nexweşxaneya Dewletê ya Qoserê.
Hat zanîn rewşa tenduristiyê ya her du birîndaran giran e.
Li ser bûyerê bûyerê dest bi lêpirsînê hat kirin.