Hewlêr (Rûdaw) - Serokê Yekîtiya Niştimanî ya Kurdistanê (YNK) Bafil Talebanî ragihand ku ew ji bo parastina xelkê Herêma Kurdistanê û Îraqê bi PDKyê û aliyên din re di nav pêwendiyên berdewam de ne.
Îsraîl û Amerîka êrişî Îranê dikin û Îran jî bi mûşekan êrişî Îsraîlê û baregehên Amerîkayê yên li gelek welatên li Rojhilata Navîn dike.
Serokê YNKyê Bafil Talebanî bi rêya hesabê xwe yê Xê derbarê rewşa dawî peyamek belav kir.
Bafil Talebanî di peyama xwe de da zanîn ku Herêma Kurdistanê careke din rûbirûyî metirsiyeke mezin bûye.
Bafil Talebanî diyar kir ku xelkê Herêma Kurdistanê dê wekî her tim bihêz, berxwedêr û yekgirtî bimîne.
"Em bi PDKyê re di nav pêwendiyeke berdewam de ne"
Serokê YNKyê bal kişand ser yekrêziya Kurdan û got:
"Ji bo vê yekgirtin û yekrêziya girîng û pêwîst, em bi hemû aliyên Îraqî û Kurdistanî re, bi taybetî bi Partiya Demokrat a Kurdistanê (PDK) re di nav pêwendiyeke berdewam de ne."
Bafil Talebanî destnîşan kir ku armanca wan ew e ku ew hemû şiyanên xwe ji bo parastina xelkê Herêma Kurdistanê û Îraqê yên ji vê metirsiyê bixin dewrê.
Serokê YNKyê di dawiya peyama xwe de jî xwest ku Xwedê her kesî biparêze.
کوردی | عربي | ENG
— Bafel Jalal Talabani (@Bafeltalabani) February 28, 2026
هاوڵاتیانی خۆشەویستی هەرێمی کوردستان،
جارێکی دیکە، ڕووبەڕووی مەترسییەکی گەورە بووینەتەوە. وەک هەمیشە، دڵنیام کە ئێوە بە بەهێزی، خۆڕاگر و یەکگرتوویی دەمێننەوە.
لە پێناو ئەم یەکگرتن و یەکڕیزییە گرنگ و پێویستە، لە پەیوەندیی بەردەوامداین لەگەڵ هەموو لایەنە…