Hewlêr (Rûdaw) - Piştî êrişên Amerîka û Îsraîlê yên li ser Îranê, Tehranê bersiv da û şeva borî bi mûşekan êrişî Îsraîlê kir.
Artêşa Îsraîlê ragihand ku Îranê bi şev 25 pêlên êrişê pêk anîne.
Hat diyarkirin ku di êrişan de nêzîkî 150 mûşekên balîstîk û bi dehan dronên kamîkaze hatine bikaranîn.
Li gorî amarên destpêkê, 3 kesan canê xwe ji dest daye û 89 kes jî birîndar bûne.
"Sîstemên parastinê ketin dewrê"
Êrişên Îranê heta derengê şevê berdewam kir.
Bi taybetî bakurê Tel Evîvê û herêma Aşkelonê ya li başûrê welêt bûn hedefa mûşekan.
Artêşa Îsraîlê daxuyand ku piraniya mûşekan ji aliyê sîstemên "Qubeya Hesinî" (Iron Dome), "Dawûd" (David's Sling) û "Arrow"ê ve hatine îmhakirin.
Lê belê parçeyên mûşekan û yên ku ji sîstema parastinê filitîn li hinek cihên niştecihbûnê ketin û bûne sedema xisareke mezin.
3 mirî û 89 birîndar
Servîsa Bilez a Îsraîlê (Magen David Adom) ragihand ku di encama êrişan de 3 kesan canê xwe ji dest daye.
Hat zanîn ku ji miriyan 2 kes sivîl in û yek jî peywirdarê ewlehiyê ye.
Di daxuyaniyê de hat diyarkirin, piraniya mirin û birîndarbûnan ji ber parçeyên mûşekên ku li hewayê hatine îmhakirin çêbûne.
Ji ber dengê naqosan û panîka xelkê ya revînê 89 kes birîndar bûn.
Hat ragihandin ku rewşa 12 birîndaran giran e.
#VÎDEO - Hinek mûşekên Îranê li nava Tel Evîvê ketine #Israel #Iran #Tahran #Trump #طهران #تل_أبيب #Khamenei #خامنئي pic.twitter.com/1wDTNmNK4F
— RudawKurdi (@RudawKurdi) February 28, 2026
Avahî û otomobîlan zerer dît
Di dîmenên ku li ser medyaya civakî hatine parvekirin de tê dîtin ku parçeyên mûşekan li kolanan ketine.
Gelek otomobîl şewitîne û nayên bikaranîn.
Li bakurê Îsraîlê avahiyeke 9 qatî bû hedefa parçeyên mûşekan.
Her wiha li Tel Evîv û Aşkelonê binesaziya enerjiyê zerer dît û li hinek deveran elektrîk qut bû.
Tîmên agirvemirandin û rizgarkirinê li cihên bûyerê xebatên xwe didomînin.
#WÊNE - Mûşekeke Îranê li Tel Evîvê ket #Israel #Iran #Tahran #Trump #طهران #تل_أبيب #Khamenei #خامنئي pic.twitter.com/O1nhnMl6c1
— RudawKurdi (@RudawKurdi) February 28, 2026