Hewlêr (Rûdaw) - Bihayê zêr îro ji ber daketina bihayê petrolê û daketina bihayê dolar zêde bû.
Bihayê zêr îro piştî vebûna bazarên Asyayê bi rêjeya ji sedî 0,7 zêde bû û ons gihîşt 4 hezar û 461 dolaran.
Pêwendiya bi petrol û dolar re
Şîrovekarê bazarên darayî yê şirketa KCM Tradeyê Tim Waterer li ser vê mijarê got:
“Bihabûna zêr hîn jî bi bihayê petrolê û nirxê dolar ve girêdayî ye; tenê dema ku bi ew paş ve biçin zêr biha dibe.”
Pêşbîniyên li ser enflasyonê û bihayê nû
Serokê Banka Federal a New Yorkê John Williams destnîşan kir ku ew pêşbînî nake metirsiyên enflasyonê yên ku ji ber şerê Rojhilata Navîn derketine dûvdirêj bin.
Şîrovekarê payebilind ê şirketa şêwirmendiyê ya StoneXê Matt Simpson jî pêşbînî dike ku bazara zêr heta dawiya îsal dê rastî gelek daketin û hilkişînan were û bihayê onsekê bigihe nêzîkî 5 hezar dolaran.
