Hewlêr (Rûdaw) - Bazarên Asyayê vê sibehê vebûn û onseke zîv bi 48,15 dolaran e û kîloyeke zîv jî bi 1,548 dolaran e.
Bihayê zîv ji doh êvarê ve nêzîkî dolarekî daketiye. Bihayê onseke zîv gihiştibû 49,10 dolaran.
Bazirganên zîv li benda amarên bazara kar a Amerîkayê ne ku biryar e sibe êvarî bên diyarkirin.
Ew amar dikarin derbarê bihayê paşerojê yê siyaseta diravî ya Amerîkayê jî zelaliyê diyar bikin.
Hefteya borî, Banka Navendî ya Amerîkayê rêjeya faîzê ji sedî 0,25 kêm kiribû.
Serokê Bankê Jerome Powell teqezî li ser wê yekê kir ku kêmkirineke din a di meha Kanûna Pêşîn de nehatiye misogerkirin.
Li aliyê din, başbûna pêwendiyên bazirganiyê daxwaza li ser zîv a wekî stargeheke ewle jî kêm kiriye.
Dawiya hefteya borî, Koşka Spî ragihand ku Çîn dê sînordarkirinên li ser hinardekirina kanzayên kêmpeyda rawestîne û lêkolînên li ser kompanyayên nîv-veguhezker ên Amerîkayê bidawî bike.
Li hemberî vê yekê, Amerîka dê hinek bacên gumrikê kêm bike û baca ji sedî 100 a li ser hinardeyên Çînê radike ku Trump berê gefa sepandina wê dixwar.
Meha borî, bihayê zîv ji bo demeke demkî gihiştibû asta herî bilind a dîrokê ku onseke wê bûbû 54,51 dolar.
