Hewlêr (Rûdaw) - Bazara zêr vê sibehê bi daketinê vebû û onseke zêr bi nêzîkî 4 hezar û 50 dolarî hat firotin.
Bihayê zêr nekarî xwe rast bike û asta 4 hezar û 75 dolarî derbas bike.
Bazirgan li benda belavkirina amarên li ser bihayên firotina bikom û perakende yên Amerîkayê ne ku dê sibe bên eşkerekirin.
"Banka Navendî dikare faîzê kêm bike"
Serokê Şaxa New Yorkê ya Banka Navendî ya Amerîkayê (FED) John Williams hefteya borî ragihandibû:
"Banka Navendî dikare meha bê faîzê kêm bike û xema bilindbûna enflasyonê jî nexwe."
Daxuyaniyên Williams bûn sedem ku bazirgan niha şansekî zêdetir bidin îhtimala kêmkirina faîzê û ji sedî 74ê bazirganan bawer dikin ku meha bê dê faîz bê kêmkirin.
Kêmkirina faîzê bi awayekî kevneşopî piştgiriyê dide bihayê zêr û madenên din û qîmetê dolar kêm dike.
