Hewlêr (Rûdaw) - Pêşbîniyên kêmkirina rêjeya faîzê ji aliyê Banka Navendî ya Amerîkayê ve û zêdebûna metirsiyên jeopolîtîk înê bihayê petrolê bi rêjeya ji sedî 1 bilind kir.
Roja Înê di dema girtina bazaran de, bihayê bermîla petrola brent a Deryaya Bakur 49 sentan bilind bû û bi 63 dolar û 75 sentan hat firotin.
Bihayê petrola sivik a Teksasê ya Amerîkayê jî 41 sentan bilind bû û bi 60 dolar û 8 sentan hat firotin.
Li gorî daneyên aborî yên Amerîkayê, xerciyên bikarîneran di îlonê de piştî bilindbûna bilez a sê mehan, ber bi sistbûnê ve çûye.
Ev yek jî piştrastbûneke zêdetir dide Banka Navendî ya Amerîkayê da ku vê hefteyê rêjeya faîzê kêm bike.
Li aliyê din, berpirsên Amerîka û Çînê bi rêya telefonê pêwendiyên bazirganî yên di navbera her du welatan de gotûbêj kir.
Serokê Amerîkayê her wiha amadehiya xwe nîşan da ku bi Kanada û Meksîkayê re pirsgirêka pênaseyên gumrikê çareser bikin.
Hewldanên Amerîkayê yên ji bo çareserkirina pirsgirêkên bazirganiyê yên bi hevparên xwe re dibin sedema zêdebûna daxwaza petrolê.
