Hewlêr (Rûdaw) - Li Qada Venekê ya li Tehrana paytexta Îranê perwerdeya bikaranîna çekan didin xelkê.
Li qada navborî ya li paytextê, 3 kesên ku cilên leşkerî li xwe kirine li ser platformekê perwerdeya çekan didin welatiyan.
Hûrgiliyên nîşangirtinê nîşan didin
Di perwerdeyê de awayê parçekirin û komkirina çekan tê ravekirin.
Her wiha hûrgiliyên nîşangirtinê jî nîşanî xelkê didin.
Perwerde ne tenê teorîk in, bi awayekî pratîk jî pêk tên.
Destûrê didin ku welatî bi xwe jî çekan vekin û careke din li hev xin.
Di televîzyonê de jî agahiyan didin
Tê çaverêkirin ku perwerdeyên bi vî rengî li qadên din ên bajêr jî werin dayîn.
Her wiha di bernameyên Televîzyona Dewletê de jî li ser çekan agahî tên dayîn.