Hewlêr (Rûdaw) - Li ser rêya Hewlêr-Kerkûkê, li nêzîkî Projeya Asude Cityê qezayeke trafîkê çêbû û di encamê de 3 kes mirin.
Bûyer doh derengê şevê nêzîkî saet 12:00an qewimî.
Şahidekî qezayê ji Rûdawê re got, "Otomobîleke taybet û kamyonetekê li hev da û agir bi her duyan ket û rêwiyên wan şewitîn."
Parêzgarê Hewlêrê Omêd Xoşnaw ji Tora Medyayî ya Rûdawê re got, "Di bûyerê de sê kesan canê xwe ji dest daye."
Li gorî agahiyan, qeza di navbera 3 otomobîlan de çêbû û kamyonet, tankerek û otomobîlekê li bin guhê hev daye
Du rêwiyên otomobîlê û şofêrê komyonetê mirin. Şofêr û rêwiyê tankerê saxlem in.
Şahidekî din ê qezayê jî ji Rûdawê re got, "Me xwest em wan rizgar bikin lê ji ber dijwariya bûyerê û mezinahiya agir me nekarî."
Ji ber dijwariya bûyerê term bi temamî şewitîne û niha li Tiba Dadî ya Hewlêrê ne.
Birêvebiriya Polîsê Trafîkê jî li ser bûyerê lêpirsîn daye destpêkirin.
28ê mehê li nêzîkî Nexweşxaneya Şar a li Silêmaniyê jî otomobîlekê qeza kiribû û 3 rêwiyên wê miribûn.
.jpg&w=3840&q=75)
