Hewlêr (Rûdaw) - Birêvebiriya Kampa Holê ragihand ku niha 25 hezar û 241 kes li kampê dimînin.
Hevseroka Birêvebiriya Kampa Holê Cîhan Henanê eşkere kir ku hejmara giştî ya şêniyên kampê 25 hezar û 241 kes e ku ji 7 hezar û 125 malbatan pêk tên.
Cîhan Henanê her wiha da zanîn:
"Hejmara koçberên Sûrî 14 hezar û 955 kes e ku ji 4 hezar û 123 malbatan pêk tên.
Her wiha 4 hezar û 7 Îraqî jî di nav 1 hezar û 131 malbatan de ne.
Hejmara biyaniyan ku ji malbatên çekdarên DAIŞê ne, 6 hezar û 279 kes e û ew jî ji 1 hezar û 871 malbatan pêk tên."
Rêveberiya Xweser destpêka îsal destpêşxeriya "Vegera Dilxwazî" ji bo vegera niştecih û penaberan ragihand ku yên di Kampa Holê de jî li xwe digire.
Li gorî Birêvebiriya Kampa Holê, heta niha 30 karwanên Îraqiyan bi hevahengiya di navbera Rêveberiya Xweser û Hikûmeta Îraqê de derketine ku tê de bi hezaran penaberên Îraqî hebûn.
Ji wan 13 karwan ji destpêka sala 2025an ve derketine.
Her wiha 3 karwanên penaberên Sûriyeyî jî bi hevahengiya Hikûmeta Sûriyeyê vegeriyane cih û warên xwe.
.jpg&w=3840&q=75)
