Hewlêr (Rûdaw) - Parêzgara Helebceyê Nuxşe Nasîhê ji Rûdawê re ragihand, "Dengê xwe bidin wan kesên ku mafên Helebceyê misoger dikin."
Îro li Îraq û Herêma Kurdistanê dengdana taybet tê kirin
Di dengdana taybet a îro de, 1 milyon û 313 hezar endamên hêzên ewlehiyê (Pêşmerge jî di nav de ne) û nêzîkî 26 hezar koçberan dê dengê xwe bidin.
Dengdanê saet 07:00an dest pê kir û dê saet 18:00an bi dawî bibe.
Parêzgara Helebceyê Nuxşe Nasîh li ser dengdanê ji Rûdawê re axivî:
"Ji ber rêkarên komîsyonê, heta niha pêvajoya dengdana taybet bi lez û başî berdewam dike û ti bûyereke nexwestî nehatiye tomarkirin.
Em wekî îdareya parêzgeha Helebceyê serperiştiya pêvajoyê dikin û daxwaz dikin ku 11ê mehê roja ku dengdana giştî ye, ev pêvajo bi heman aramiyê be."
"Dengê xwe bidin wan kesên ku…”
Parêzgara Helebceyê peyamek arasteyî dengderan kir û got, "Dengê xwe bidin wan kesên ku mafên Helebceyê misoger dikin."
Ji bo hilbijartinên Encumena Nûneran a Îraqê, parêzgeha Helebceyê li gel Silêmaniyê hatiye diyarkirin ku bi giştî mafê dengdanê yê 108 hezar û 344 dengderên taybet heye û beşek ji wan li Helebceyê ne.
.jpg&w=3840&q=75)
