Hewlêr (Rûdaw) - Li parêzgeha Kirmaşanê ya Rojhilatê Kurdistanê di qezayeke trafîkê de 5 kes mirin û 2 kes jî birîndar bûn.
Birêvebirê Parastina Sivîlan a Parêzgeha Kirmaşanê Mesûd Qelespîdî ragihand ku qeza doh piştî nîvro saet 14:46an li ser rêya sereke ya Kirmaşan - Bêstûnê li nêzîkî benzînxaneyekê çêbûye.
Di qezayê de tomobîleke taybet û barhilgirek li hev qelibîne.
Mesûd Qelespîdî got, “Di qezayê de 5 kesan canê xwe ji dest da û 2 kesên din jî birîndar bûn.”
Mesûd Qelespîdî her wiha da zanîn tîmên tenduristiyê birîndar birine Nexweşxaneya Taleqaniyê ya bajêr.
Di 6 mehan de 300 kes mirine
Li gorî raporeke ku Birêvebiriya Giştî ya Saziya Bijîşkî ya Dadî ya Kirmaşanê 28ê Çiriya Pêşîn belav kiribû, "Di 6 mehên dawî de li parêzgeha Kirmaşanê 300 kes di qezayên trafîkê de mirine û zêdetirî 7 hezar kesan jî birîndar bûne."
.webp&w=3840&q=75)
