Hewlêr (Rûdaw) - Serokê Herêma Kurdistanê Nêçîrvan Barzanî, li Hewlêrê bi Alîkarê Wezîrê Karên Derve yê Amerîkayê yê ji bo Kar û Barên Birêvebirin û Çavkaniyan Michael Rigas re civiya.
Li gorî Serokatiya Herêma Kurdistanê, Nêçîrvan Barzanî diyar kiriye ku ev serdan nîşaneya pêbendbûna Amerîkayê ye bi berdewamiya pêwendiyên demdirêj û stratejîk ên bi Îraq û Herêma Kurdistanê re.
Her wiha ji bo piştgirî û hevkariyên wê yên ji bo Îraq û Herêma Kurdistanê yên di hemû waran spasiya Amerîkayê kiriye de.
Her du aliyan behsa rewşa giştî ya Îraq û Herêma Kurdistanê kiriye û bal kişandiye ser armanckirina jêrxana aborî ya Herêma Kurdistanê.
Wan di vê çarçoveyê de êrişa dawî ya li ser Qada Gaza Kormorê şermezar kiriye û destnîşan kiriye ku divê kiryar rûbirûyî yasayê bibin, her wiha çek tenê di destê dewletê de bin.
Pêwendiyên Amerîkayê yên bi Îraq û Herêma Kurdistanê re, encamên hilbijartinên Parlamentoya Îraqê, metirsiyên DAIŞê, pêşhatên dawî yên herêmê û çend mijarên din ên cihê girîngiya hevbeş, mijarên din ên civînê bûn.
.jpg&w=3840&q=75)