Hewlêr (Rûdaw) - Birêvebiriya Giştî ya Keşnasiyê ya Tirkiyeyê ragihand ku îro li 17 parêzgehên Bakurê Kurdistanê baran dibare.
Tê pêşbînîkirin ku ev rewş du rojan berdewam bike û li çend parêzgehên din jî berf bibare.
Birêvebiriya Giştî ya Keşnasiyê ya Tirkiyeyê rapora pêşbîniya hewayê ya Tirkiye û Bakurê Kurdistanê belav kir.
Li gorî raporê, îro li parêzgehên Dîlok, Mereş, Riha, Semsûr, Meletî, Sêwas, Mêrdîn, Amed, Xarpêt, Dêrsim, Erzingan, Çewlîg, Mûş, Bedlîs, Sêrt, Êlih û Şirnexê yên Bakurê Kurdistanê dê tevahiya rojê baran bibare.
Metirsiya lehiyê
Saziya Keşnasiyê hişyarî da ku li parêzgehên Dîlok û Qersê metirsiya lehiyê heye.
Her wiha hat diyarkirin ku leza bayê li van her du parêzgehan dê di saetekê de bigihîje 65-80 kîlometreyî.
Pileyên germê yên wan 15 parêzgehan jî dê di navbera 2 û 9 pileyan de bin.
Berf û cemed
Rêveberiya Giştî ya Keşnasiya Tirkiyeyê da zanîn ku li parêzgehên din ên Bakurê Kurdistanê dê serma, cemed û mij hebe.
Pileyên germê li wan deran dê di bin sifirê de di navbera 1 û 3 pileyan de bin.
.jpg&w=3840&q=75)
