Hewlêr (Rûdaw) - Li navçeya Kelarê ya Silêmaniyê jinekê penîsê (kîr) hevjînê xwe jê kir.
Birêvebirê Nexweşxaneya Şehîd Hejar diyar kir ku bûyer ji ber pirsgirêkên malbatî qewimiye.
Birêvebirê Nexweşxaneya Şehîd Hejar a li Kelarê ji Rûdawê re got:
"Zilam 43 salî ye, jinikê bi kêrê û bi awayekî temamî endamê nêrîniyê yê hevjînê xwe jê kiriye û endamê wî bi awayekî cuda anîne nexweşxaneyê."
Birêvebirê Nexweşxaneya Şehîd Hejar amaje bi wê yekê jî kir ku midaxeleyên destpêkê ji bo wî hatine kirin û got:
"Ji bo dermankirina zêdetir ew sewqî nexweşxaneya Silêmaniyê hatiye kirin."
Li gorî gotina çavkaniyeke ji Birêvebiriya Polîsê Germiyanê, ew jin ji aliyê polîsan ve hatiye desteserkirin û derbarê bûyerê de dest bi lêpirsîn hatiye kirin.
.jpg&w=3840&q=75)
