Bijîşk Urmizyar: Me nîvê şevê dest pê kir û me xilas kir
Hewlêr (Rûdaw) - Bijîşkan li Kelarê neştergeriyeke dijwar pêk anî û penîsê wî zilamê doh hatibû jêkirin bi awayekî serkeftî dirût.
Doh êvarê li navçeya Kelarê ya Silêmaniyê jinekê penîsê mêrê xwe jê kiribû. Tîmeke pispor 8 demjimêran xebitî û penîsê wî dirût.
Pisporê Neştergeriya Urolojiyê Dr. Helo Urmizyar li ser neştergeriyê û tenduristiya wî zilamî ji Rûdawê re axivî.
Dr. Helo got, "Me nîvê şevê nexweş hilda emeliyatê. Ev emeliyat gelekî giran û bê nimûne bû. Tîmeke bijîşkên ciwankariyê (plastîk) jî bi me re bû."
"Rewşa wî baş e"
Bijîşkê pispor Dr. Helo diyar kir ku wan karê xwe temam kiriye û got,"Me penîsî wî vekir. Me dirût û niha rewşa wî baş e."
Çi bikin?
Dr. Helo ji bo rewşên wiha acîl van şîretan dike:
Midaxeleya destpêkê bikin.
Xwînê bidin sekinandin.
Parçeyê jêbûyî têxin nav qeşayê.
Zû bigihînin nexweşxaneyê.
Bûyer doh li Kelarê qewimîbû. Jinekê ji ber pirsgirêkên malbatî êrişî mêrê xwe kiribû û bi kêrê penîsê mêrê xwe jê kiribû.
Li gorî zanyariyan ew jin ji aliyê polîsan ve hatiye desteserkirin.
.jpg&w=3840&q=75)
