Hewlêr (Rûdaw) - Li Bakurê Kurdistanê berf û baran bi bandor dibe û rêyên bi sedan gund û mezrayan hatiye girtin.
Li parêzgehên Wan, Colemêrg, Bedlîs, Mûş, Sêrt, Xarpêt û Şirnex û Meletiyê rêyê 497 gund û mezrayan ji ber berfê girtî ye.
Rewşa parêzgehan
Li Wanê ji ber berfê rêyên 206 gund û mezrayan girtî ye.
Li Colemêrgê rêyên 2 gund û 10 mezrayan girtî ye û li navenda bajêr jî berf berdewam e.
Li Bedlîsê rêyên 180 gund û mezrayan ji ber berfê girtî ye.
Li navçeya Gimgimê ya Mûşê jî rêyên 25 gundan girtî ye.
Li Sêrtê rêyêm 45 gundan, li Xarpêtê ya 23 gundan û li Şirnexê jî rêyên 6 gundan hatiye girtin.
Li Meletiyê jî berf û baran tevlîhev dibare û jiyanê zehmet dike.
Erzîngan û Agirî
Li Erzîngan û Agiriyê jî berfê her der spî kiriye.
Li Erzînganê stûriya berfê 10 santîmetre derbas kir û şaredarî kûçe û kolanan paqij dike.
Li Agiriyê jî bi taybetî li navçeya Zêdkanê rêyên 6 gundan hatiye girtin.
Tîmên taybet ji bo vekirina rêyan û paqijkirina berfê xebatên xwe didomînin.
Li gorî keşnasiya Tirkiyeyê ev pêla barîna berf û baranê heta çend rojîn din jî li Bakurê Kurdistanê berdewam bike.
.jpg&w=3840&q=75)
