Hewlêr (Rûdaw) - Li parêzgeha Rihayê ya Bakurê Kurdistanê, ji ber berfa zêde banê bazara otomobîlan û gelek parkên otomobîlan hilweşiyan.
Li Rihayê ev 3-4 roj in berfeke zêde dibare.
Tê gotin ku ji sala 1968an û vir ve yekem car e ku ew qasî berf dibare û vê yekê jiyana welatiyan zehmet kiriye.
Îro li Bazara Otomobîlfroşan a Rihayê ji ber giraniya berfê banê parka otomobîlan hilweşiya.
Di encamê de gelek otomobîl di bin banê hilweşiyayî de man û zerereke mezin a madî gihişt wan.
Her wiha li navçeya Karakopruyê jî banê parkên otomobîlan ên çend avahiyên niştecihbûnê li ber giraniya berfê li ber xwe neda û hilweşiyan.
Li wê derê jî otomobîlên xelkê di bin kavilan de man û zerer dît.
.jpg&w=3840&q=75)
