Hewlêr (Rûdaw) - Hêzên Ewlekariya Hundirîn a Helebê (Asayîş) eşkere kir ku Artêşa Ereban a Sûriyeyê bi piştgiriya rasterast a tank û çekên giran hewl da bikeve nav taxa Şêx Meqsûdê
Asayîşê da zanîn ku şervanên wan kariye hewlên êrişkaran têk bibin û bersivê bidin êrişê.
Navenda Ragihandinê ya Hêzên Ewlekariya Hundirîn a Helebê di daxuniyê de got:
“Komên çekdar ên hikûmeta Şamê ku di nav wan de milîsên "Emşat, Hemzat û Nûredîn Zengî" hene, ji eniya Wadî Zeytûnê du caran hewl dan bikevin nav taxa Şêx Meqsûdê.
Ev êriş bi piştgiriya rasterast a tank û çekên giran hatin kirin.”
Asayîşê da zanîn ku hêzên wan karîne her du hewlên wan pûç bike û bersiva êrişê bide.
Di encamê de komên êrişkar neçar mane ku ji wê eniyê bipaş ve bikişin.
Di heman çarçoveyê de, topbarana bi topên giran a li ser taxa Şêx Meqsûdê ya ji aliyê komên ser bi hikûmeta Şamê ve di roja çaremîn a li pey hev de didome.
.jpg&w=3840&q=75)
