Hewlêr (Rûdaw) - Hêzên Ewlekariya Hundirîn a Helebê (Asayîş) diyar kir ku li Taxa Şêx Meqsûdê ji aliyê kom û milîsên hikûmeta Şamê ve bi tundî û bi awayekî berfireh tê topbarankirin.
Di vê êrişê de her cure çekên giran, tank û top tên bikaranîn.
Asayîşê da zanîn ku ev êrişa ku taxên niştecihbûnê dike hedef, wekî şêwazê "şerê qirkirinê yê sîstematîk" ê li dijî şêniyan tê pênasekirin.
Di daxuyaniyê de hat diyarkirin ku çekdarên hikûmetê hewl didin bi tankan bikevin nav taxê lê li beramberî wan berxwedaneke tund û berdewam a hêzên Asayîşê didome.
Navenda Ragihandinê ya Hêzên Ewlekariya Hundirîn a Helebê ev zanyarî parve kirin û diyar kir ku hêzên wan li dijî hewlên pêşveçûnê derbên giran li êrişkeran dixin û parastina taxê dikin.
.jpg&w=3840&q=75)