Hewlêr (Rûdaw) - Saziya Keşnasiyê ya Tirkiyeyê li parêzgehên Riha, Dîlok, Kilîs, Semsûr, Mereş û Amedê yên Bakurê Kurdistanê hişyariya berf û baranê da.
Ji ber şert û mercên hewayê, li parêzgeha Mereşê dibistan hatin girtin.
Saziya Keşnasiyê ya Tirkiyeyê ragihand ku îro li parêzgehên Riha, Dîlok û Kilîsê baraneke gur dibare.
Li Semsûr, Mereş û Amedê jî ligel baranê, li herêmên bilind berfeke zêde tê payîn.
Hişyariya lehî û qeşayê
Saziya Keşnasiyê ji bo egera lehî, birûsk, zîpik, qeşa û astengiyên di trafîkê de hişyarî da xelkê li wan bajaran û xwest ku tedbîrên pêwîst bên wergirtin.
Li aliyê din, ji ber berfa zêde li parêzgeha Mereşê roja duşemê dibistan dê girtî bin û perwerde tê rawestandin.
.jpg&w=3840&q=75)
