Hewlêr (Rûdaw) - Serokê Yekîtiya Niştimanî ya Kurdistanê (YNK) Bafil Talebanî derbarê rewşa dawî ya Sûriye û Rojavayê Kurdistanê de daxuyaniyek da û bangî Amerîkayê kir ku ji bo parastina sivîlan tevbigere.
Bafil Talebanî di peyama xwe de tekez kir ku ew kiryarên li dijî gelê Kurd şermezar dikin û gelê Kurd dê bêdeng nemîne.
“Tiştên diqewimin nayên qebûlkirin”
Serokê YNKyê di daxuyaniya xwe de nerazîbûn nîşanî bûyerên dawî da û got:
"Tiştên ku li Sûriye û Rojavayê Kurdistanê diqewimin nayên qebûlkirin û divê werin rawestandin.
Em van kiryarên hovane yên li dijî gelê Kurd bi tundî şermezar dikin. Gelê Kurd bêdeng namîne û paşguh nake."
“Rojavayê cîhan parast”
Talebanî bi bîr anî ku Rojavayê Kurdistanê di şerê li dijî DAIŞê de berdêlên giran dane û wiha pê de çû:
"Rojavayê di şerê li dijî DAIŞê de bi hezaran kur û keçên xwe winda kirin, cîhan parastin û bedelên giran dan. Ew hêjayî rêz, rûmet û parastina rastîn in."
Banga li Amerîkayê
Bafil Talebanî di dawiya peyama xwe de bang li Dewletên Yekbûyî yên Amerîkayê (DYA) kir û got:
"Ez bangî Dewletên Yekbûyî yên Amerîkayê û gelê Amerîkayê dikim ku bê dudilî û bi berpirsiyarî tevbigere da ku sivîlan biparêzin û aramiyê vegerînin."
کوردی | Kurdî | عربي | ENG
— Bafel Jalal Talabani (@Bafeltalabani) January 20, 2026
ئەوەی لە سوریا و رۆژئاوای کوردستان دەگوزەرێت مایەی قبوڵ نییە و دەبێت بوەستێنرێت. ئێمە بە توندی ئیدانەی ئەم کردەوە بەربەرییانەیە بەرامبەر بە گەلی کورد دەکەین.
گەلی کورد بێدەنگ نابێت و چاوپۆشی ناکات.
رۆژئاوا هەزاران کوڕ و کچی خۆی لەدەستدا لە شەڕی دژی… pic.twitter.com/3oFvkUcTKI
.jpg&w=3840&q=75)
