Hewlêr (Rûdaw) - Fermandariya Giştî ya Hêzên Ewlekariya Hundirîn (Asayîş) a Kantona Firatê ragihand ku di encama êrişa droneke Tirkiyeyê ya li nahiyeya Sirînê ya Kobaniyê de 3 endamên wan şehîd ketine.
Asayîşê di daxuyaniya xwe de bal kişand ser zêdebûna êrişên li herêmê û hikûmeta demkî ya Şamê tohmetbar kir.
“3 şehîd û birîndarek”
Di daxuyaniyê de hat diyarkirin ku êriş şeva 19ê Kanûna Paşîn a 2026an pêk hatiye û hat gotin:
"Xaleke kontrolê ya ewlehiyê ya hêzên me li herêma Sirîn a Kobaniyê, bi êrîşa droneke Tirkiyeyê re rû bi rû ma.
Di encamê de 3 endamên me şehîd ketin û yek jî birîndar bû."
“Armanc têkbirina aramiyê ye”
Fermandariya Asayîşê diyar kir ku bajarên Hisîça û Kobaniyê rûbirûyî êrişên çekdarên Hikûmeta Demkî ya Şamê û komên wê yên Îslamî bûne û wiha pê de çû:
"Ev êrîş, ku ewlehî û aramiya hem sivîlan û hem jî personelên leşkerî hedef digirin, beşek ji planeke sîstematîk in ji bo têkbirina aramiyê û afirandina kaosê li herêmê."
.jpg&w=3840&q=75)
