کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

TIRKIYE

300 Dayikên Aştiyê li Enqereyê ne: Bila êdî dayik negirîn

Şewket Herkî

Şewket Herkî

03-11-2026
Guhdarî bike
0:00
0:00
Mezinahiya Nivîsê

Peyamnêr û rêveberê ofîsa Tora Medyayî ya Rûdawê li Enqerê ye.
Ji Îlona 2013an ve li Tora Medyayî ya Rûdawê kar dike. 

 
Şewket Herkî
Şewket Herkî03-11-2026

Peyamnêr û rêveberê ofîsa Tora Medyayî ya Rûdawê li Enqerê ye.
Ji Îlona 2013an ve li Tora Medyayî ya Rûdawê kar dike. 

 

Nûçeyên Têkildar

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Omer Ocalan wêneyekî nû yê Abdullah Ocalan belav kir
TIRKIYE18-11-2026

Omer Ocalan wêneyekî nû yê Abdullah Ocalan belav kir

Tulay Hatîmogullari: Hevdîtinên di navbera dewlet û Îmraliyê de berdewam dikin
TIRKIYE18-11-2026

Tulay Hatîmogullari: Hevdîtinên di navbera dewlet û Îmraliyê de berdewam dikin

Enqere (Rûdaw) - Li Enqereyê 2 roj in çalakiya Dayikên Aştiyê di rojevê de ye.

Dayikên Aştiyê li bendê ne ku bi Wezîrê Dadê re hevdîtinekê bikin.

Di heman demê de ew dixwazin daxwazên xwe bigihînin aliyên siyasî.

Nêzîkî 300 Dayikên Aştiyê bi şev jî li parkeke Enqereyê di nobeta aştiyê de bûn.

Bi kilam û stranan sebra xwe tînin

Li Enqereyê tevî derengiya şevê, sir û sermayê û temenê wan ê di navbera 70-80 salî de jî Dayikên Aştiyê bi biryardarî çalakiya xwe didomînin.

Ew di nav tariya şevê de bi kilam û stranan sebra xwe tînin.

Dayika Aştiyê Muzeyyen Butunê got, “Em dixwazin Serokkomar, Birêz Bahçelî û hemû siyasetmedar li hemberî banga Birêz Ocalan û daxwazên dayikan alîkar bin. Divê ji bo aştiya 86 milyon xelkê Tirkiyeyê alîkar bin.”

Dayika Aştiyê Ezîze Setairê jî got, “Ji bo me ne zehmet e. Heta aştî çênebe ji bo me ne zehmet e. Em ji hestiyên zarok û birayên xwe ne çêtir in.

Kezeba hemû dayikan şewitiye. Wan bira û zarokên xwe ji dest dane. Her yekê kesekî wê çûye, loma em hatine.”

Daxwaza me hemûyan yek e: Aştî û azadî

300 endamên Însiyatîfa Dayikên Aştiyê piştî daxuyaniya li ber deriyê Parlamentoya Tirkiyeyê derbasî parkeke Enqereyê bûn.

Li vê parkê hinek ji wan di bin konan de û hinek jî li derve çalakiya xwe didomînin.

Dayika Aştiyê Kadriye Yildizê got, “Heta aştî çênebe em dê li kolanan bin û em dê çalakiyên xwe bidomînin. Aştî ji me re lazim e, bila êdî dayik negirîn.”

"Em ji bo aştiyê hatine"

Dayika Aştiyê Şerîfe Oguzê jî daxwazên xwe wiha anîn zimên:

“Di nava me de nexweş jî hene, me zarokên xwe li mal hiştine. Em ji bo aştiyê hatine û em dibêjin êdî bes e.

Girtiyên ku dema cezayê wan xilas bûye, dîsa 2 sal ceza dane wan. Ew jî nexweş in û di girtîgehan de ne. Rêberê me hîn jî girtî ye, em dixwazin ew jî azad bibe.”

Dayika Aştiyê Maşallah Nasê bal kişand ser êşa hemû dayikan û got:

“Dayikên leşker û polîsan jî hene, ew jî dibêjin me zarokên xwe winda kirine. Me jî zarokên xwe winda kirine. Çi dibe bila bibe em dîsa jî azadî û aştiyê dixwazin.”

Dayikên Aştiyê dê hewl bidin daxwazên xwe bigihînin siyasetmedaran.

Ew dixwazin pêvajo bi lez biçe serî û girtî werin berdan.

Her wiha ew ji bo vegera gerîlayên PKKyê qanûnên pêwîst û azadiya Ocalan dixwazin.

Nûçeyên Têkildar

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Omer Ocalan wêneyekî nû yê Abdullah Ocalan belav kir
TIRKIYE18-11-2026

Omer Ocalan wêneyekî nû yê Abdullah Ocalan belav kir

Tulay Hatîmogullari: Hevdîtinên di navbera dewlet û Îmraliyê de berdewam dikin
TIRKIYE18-11-2026

Tulay Hatîmogullari: Hevdîtinên di navbera dewlet û Îmraliyê de berdewam dikin

Pirsên