Hewlêr (Rûdaw) - Di hefteya 12emîn a Lîga Yekemîn a Trendyolê de, Vansporê li mala xwe mazûvaniya Sakaryasporê kir.
Maça ku li Stadyuma Ataturk a Wanê hat lîstin û bi kelecaneke mezin derbas bû, bi serkeftina Vansporê ya bi encama 3-2 bi dawî bû.
Nîvê yekem bi golan xemilî
Her du tîman ji destpêkê ve lîstikeke hevseng nîşan da. Di deqîqeya 28an de tîma mazûvan Vanspor bi gola lîstikvanê xwe Regis (Francesc Crespi) 1-0 ket pêş.
Sakaryasporê jî xwe teslîm nekir û zexta xwe zêde kir. Di encama van hewldanan de, Wissam Ben Yedder di deqîqeya 40î de skor kir 1-1.
Berî ku nîvê yekem bi dawî bibe, Vansporê careke din gol avêt. Mehmet Ozcan deqîqeya 45+1an qeleya Sakaryasporê hejand û tîma xwe bi 2-1 xist pêş.
Hewlên Sakaryasporê têr nekirin
Di nîvê duyem de, Sakaryasporê ji bo wekheviyê lîstikeke bi bandortir nîşan da.
Tîma mêvan deqîqeya 68an bi gola Burak Çoban gola wekheviyê avêt û skor bû 2-2.
Piştî vê golê, tempoya maçê careke din bilind bû û her du tîman jî zextên xwe li hemberî hev zêde kirin.
Dema ku dihat payîn maç bi wekheviyê biqede, Cedric di deqîqeya 88an de gola serkeftinê ya Vansporê tomar kir û maç bi encama 3-2 di berjewendiya tîma Wanê de bi dawî bû.
Bi vê serkeftinê Vansporê puanên xwe derxist 20î û di lîgê de derket rêza 7an.
.jpg&w=3840&q=75)
