Hewlêr (Rûdaw) - Tîma Wana Bakurê Kurdistanê Vansporê, di hefteya 14an a Lîga 1emîn a Trendyolê de mazûvaniya Keçîorengucuyê kir.
Maç bi encama 1-1 bi dawî bû û Vansporê di xulekên dirêjkirî de puanek berda binê berîka xwe.
Tîma Sor û Reş her çend di maçê de gelek firsendên golê bi dest xistin jî nekarî wan sû wergirê lê gola Ivan Cedric a xuleka dawî ew ji têkçûnê rizgar kirin.
Nîvê yekem bi 1-0 bi dawî bû
Vansporê bi lez dest bi maçê kir lê lîstikvanê Keçîorengucuyê Fernandes di xuleka 28an de tor hejandin û tîma mêhvan 1-0 ket pêş.
Nîvê yekem bi vê encamê bi dawî bû.
Vansporê zext zêde kir
Vansporê di nîvê duyem de zexta xwe zêde kir û bi lîstikvanên wekî Mehmet Ozcan, Traore, Oulare û Regis gelek firsendên girîng bi dest xistin.
Lê belê tîma Wanê nekarîbû van firsendan veguherîne golê.
Gola xuleka 90+2yan hat
Vansporê di xulekên dawî de lîstik bi temamî li qada tîma mêvan asê kir û gola ku lê digeriya xuleka 90+2yan dît.
Di karambola ku di nava qada cezayê de çêbû top li ber Ivan Cedric ket.
Cedric bi lêdaneke rast top şand toran û skor kir 1-1.
Vansporê bi vê encamê maçê puanek bi dest xist.
.jpg&w=3840&q=75)
