کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kurdên Êzidî yên ku ji êrişa DAIŞê ya 2014an direvin / Wêne: Reuters

Kurdên Êzidî yên ku ji êrişa DAIŞê ya 2014an direvin / Wêne: Reuters

Cîhan

Rizgarbûyên Kurdên Êzidî li Berlînê şahidiya tawanên DAIŞê didin

RÛDAW

RÛDAW

16-11-2026
Guhdarî bike
0:00
0:00
Mezinahiya Nivîsê
RÛDAW
RÛDAW16-11-2026

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Hewlêr (Rûdaw) - Piştî derbasbûna 12 salan a bi ser komkujiya Kurdên Êzidî ya li Şingalê re, hejmarek ji rizgarbûyên wê komkujiyê li Berlîna paytexta Almanyayê, li ber komîteyeke bilind a navneteweyî ya "Lêgerîna Rastiyê", şahidî kir.

Wan li ser tawanên kuştin, şkence, destdirêjî û kolekirinê yên ji aliyê çekdarên DAIŞê ve şahidiya xwe pêşkêş kir.

Di çalakiyeke sêrojî ya li Berlînê de, nêzîkî 30 rizgarbûyên Kurdên Êzidî li ser wan tawanên hovane yên sala 2014an şahidiyê didin ku ji aliyê çekdarên DAIŞê ve li Îraq û Sûriyeyê rû bi rûyî wan bûne.

Ev înîsiyatîv ji aliyê rêxistinên civaka sivîl ve û bi piştgiriya darayî ya hikûmeta Brîtanyayê hatiye lidarxistin.

Armanca wê jî ew e ku li ser asta tawanan raporeke berfireh were amadekirin.

Heft dadwer û pisporên navneteweyî li gel parlamenterên Almanya û Brîtanyayê wan şahidiyan dinirxînin.

Komîsera Berê ya Mafên Mirovan a Neteweyên Yekbûyî û Xwediyê Xelata Nobelê ya Aştiyê ya sala 2026an Navanethem Pillay jî di nav wan pisporan de cih digire.

Seroka Komîteya Dadweran Helena Kennedyê di rûniştinê de got:

"Di maweyê 12 salên borî de li ser tawanan ti lêpirsîneke bingehîn nehatiye kirin.

Destdirêjî û kolekirina jin û keçên Êzidî yek ji mezintirîn şermezariyên du dehsalên borî ye."

Kennedyyê her wiha ji Neteweyên Yekbûyî xwest ku ji bo darizandina tawanbarên vî jenosîdê dadgeheke navneteweyî ya taybet ava bike.

Çîroka tawanên gundê Koçoyê û bazara Mûsilê

Di rûniştinan de Nejla Metûya 39 salî ya rizgarbûyî, çîroka êrişa DAIŞê ya li ser gundê Koçoyê ya 15ê Tebaxa 2014an vegot.

Wê qal kir ku çawa bav û birayê wê ji ber ola wan hatine kuştin û got:

"Wan mêr kuştin û ez birim bajarê Mûsilê. Li wir wekî kel û pelan li min nihêrîn, ez kontrol kirim û ez firotim çekdarekî DAIŞê.

Piştî hewleke revê, ez rastî destdirêjiyê hatim û ducare hatim firotin.

Ez hêvî dikim rojek were tawanbar di dadgehê de rû bi rûyî cezayê xwe bibin."

Di heman demê de şahideke din a Êzidî Sena Nemetê hişyarî da ku "komkujiya gelê me hîn jî didome."

Wê bal kişand ser wê yekê ku heta niha jî çarenivîsa zêdetirî 2 hezar jin û zarokên revandî yên Êzidî ne diyar e.

Di êrişa çekdarên DAIŞê ya Tebaxa 2014an a li ser Şingalê de, nêzîkî 5 hezar Kurdên Êzidî hatin kuştin û zêdetirî 6 hezar û 400 kesên din jî hatin revandin û kolekirin.

Pêvajoya darizandinê xav dimeşe

Her çend parlamentoyên Almanya û Brîtanyayê û lêkolerên Neteweyên Yekbûyî tawanên DAIŞê wekî "Komkujî" nas kiribin jî pêvajoya darizandina tawanbaran gelekî xav e.

Piraniya wan çekdarên DAIŞê yên ku li Îraqê tên darizandin tenê li gorî xala 4an a terorê tên cezakirin, ne bi tawana komkujiyê.

Ev darizandin di demekê de ye ku li Almanyayê zêdetirî 230 hezar Kurdên Êzidî dijîn.

Her wiha Tîma Lêkolînê ya Navneteweyî ya Tawanên DAIŞê (UNITAD) sala 2024an xebatên xwe yên li Îraqê rawestandibû.

Vê yekê jî hişt ku rizgarbûyî serî li komîte û dadgehên navneteweyî bidin da ku dosyeya wan zindî bimîne.

 

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên