Hewlêr (Rûdaw) - Serokê Konseya Serokatiyê ya Libyayê Mihemed el-Menfî ji bo Sererkanê Artêşa Libyayê Mihemed el-Hedad û şandeya pê re ku li Enqereyê di qezaya balafirê de mirin peyama sersaxiyê belav kir.
Konseya Serokatiya Libyayê daxuyaniyek belav kir û peyama sersaxiyê ya Serokê Konseyê Menfî parve kir.
Menfî di peyama xwe de diyar kir ku ew ji ber mirina Sererkan Hedad û şandeya pê re ya di ketina balafirê de di nava xemgîniyeke kûr de ne.
"Qezayeke trajîk û bûyereke dilêş"
Serokê Konseyê Menfî di peyama xwe de wiha got:
"Em ji ber vê windahiya biêş a ku di encama qezayeke trajîk û bûyereke dilêş de dema ku ji erka fermî ya li Komara Tirkiyeyê vedigeriyan paytext Trablusê rû daye, sersaxiyê ji tevahiya gelê Libyayê re dixwazin."
Akîle Salih jî peyama sersaxiyê da
Li aliyê din, Serokê Meclisa Nûneran a li Bîngaziyê Akîle Salih jî peyameke sersaxiyê weşand.
Salih ji bo malbatên Hedad û şandeya leşkerî ya Libyayê yên ku di qezayê de canê xwe ji dest daye sersaxî û sebir xwest.
3 roj şîna neteweyî
Hikûmeta Yekîtiya Neteweyî ya Libyayê, ji ber ku Sererkanê Libyayê Hedad û kesên pê re li Enqereyê di ketina balafirê de canê xwe ji dest da, li seranserê welêt 3 rojan şîna niştimanî ragihand.
