Hewlêr (Rûdaw) - Li parêzgeha Kilîsê ya Bakurê Kurdistanê du otomobîl li hev qelibîn û di qezayê de 6 kes birîndar bûn.
Bûyer li kîlometreya 39emîn a rêya Kilîs-Hatayê qewimî.
Otomobîla ku A.O. diajot û otomobîla ku M.V.B. diajot li hev qelibîn.
Li ser agahdarkirinê, tîmên tenduristiyê, agirvemirandinê, AFAD û cendirme çûn cihê qezayê.
Di qezayê de her du şofêr û 4 kesên di otomobîlan de birîndar bûn.
Tîmên tenduristiyê birîndar veguhastin Nexweşxaneya Dewletê ya Hassayê û Nexweşxaneya Prof. Dr. Alaeddîn Yavaşca ya Kilîsê.
Hat zanîn ku rewşa 5 birîndaran giran e.
.jpg&w=3840&q=75)
