Hewlêr (Rûdaw) - Li parêzgehên Erzirom, Qers, Erdexan, Agirî û Dêrsimê yên Bakurê Kurdistanê berf bariya û bi taybetî herêmên bilind spîçîl bûn.
Li Erziromê berfa ku doh êvarê dest pê kir, ber bi sibehê ve bandora xwe zêde kir û deverên bilind xistin bin kirasekî spî.
Navenda Kaşûnê ya Palandokenê jî piştî barînê bi berfê nuximî.
Li Qersê mij û berf
Li Qersê jî ji doh ve dem bi dem berf dibare.
Hinek kesan berfa li ber xanî û kargehên xwe, tîmên Şaredariya Qersê jî berfa li ser peyarêyan paqij kir.
Li bajêr mij jî çêbû û mesafeya dîtinê kêm bû.
Erdexan
Li Erdexanê jî berf û hewaya sar heye.
Li bajêr ji ber berf û sermayê qeşa çêbû û cih bi cih mij hat dîtin.
Agirî
Li Agiriyê barana gur a ku bi şev dest pê kiribû, ber bi sibehê ve cihê xwe ji berfê re hişt.
Berfa ku bandora xwe zêde kir, deverên bilind, navenda bajêr û gund spî kirin.
Tîman dest bi xebatên paqijkirina berfê kir.
Li Dêrsimê dîmenên xweşik
Li Dêrsimê jî li hinek deverên bilind berf bariya.
Lûtkeyên çiyayan di bin berfê de man û dîmenên xweşik, spehî û bedew derketin holê.
#WÊNE - Li Erdexanê berfê daye
— RudawKurdi (@RudawKurdi) December 2, 2025
❄️ Doh bi şev li navenda bajarê Erdexanê yê Bakurê Kurdistanê berfeke xweş lê kir
📸 AA pic.twitter.com/ZvFmosg2Jf
