Hewlêr (Rûdaw) - Li parêzgeha Wanê ya Bakurê Kurdistanê 16 ciwan bi hinceta “endamtiya rêxistinê” hatibûn desteserkirin û 5 ji wan hatin girtin.
Hêzên ewlehiyê yên Tirkiyeyê 31ê Kanûna Paşîn a 2026an li parêzgeha Wanê di operasyonekê de li navnîşanên cuda 16 ciwan bi hinceta “endamtiya rêxistinê” desteser kiribûn.
Ciwanên ku li Birêvebiriya Ewlehiyê ya Wanê kar û barên wan ên îfadeyê temam bûn, doh sewqî dadgehê hatin kirin.
Dadgehê derbarê 5 ciwanan biryara girtinê da û ew şandin girtîgehê.
Her wiha 11 ciwanên din jî bi şertê kontrola dadî hatin berdan.