Hewlêr (Rûdaw) - Zivistan nêzîk dibe û berî hatina berfê rêwitiya koçeran a ber bi germiyanan ve dest pê kiriye.
Koçerên ku dawiya adarê û serê nîsanê derdikevin Zozanên Şênê yên Mûşê, dilezînin da ku xwe bigihînin Amedê û zivistana xwe li gund û warên xwe derbas bikin.
Rêwitiya wan nêzîkî mehekê diajo û di rê de rûbirûyî gelek zehmetiyan dibin.
“Derdê debarê ye”
Koçer Ethem Ozcan got:
“Em 10 roj in di rê de ne. Em ji Mûşê diçin Lîcê, Deşta Fîsê. Jiyan zehmet e lê em çi bikin derdê debarê ye. Em neçar in.”
Bi roj metirsiya trafîkê û bi şev jî êrişên ajelên kovî rêwitiya koçeriyê zehmettir dikin lê ji bilî ajeldarriyê ti çareya wan nîne.
Koçer Îsmaîl Ozcan wiha behsa rêwîtiya xwe kir:
“Bi şev û roj, zivistan û havînan, em bi berdewamî li serê rêyan in. Ne karekî hêsan e, rêya 9 fitlok zehmet e. Ji ber ku em rê ji otomobîlan re vedikin, zehmet e.”
Sektora ajeldariyê di debara xelkê Amedê de cihekî girîng digire.
Li gorî amarên Wezareta Çandinî û Daristanan a Tirkiyeyê, li Amedê 2 milyon û 300 hezar pez û bizin û 605 hezar dewar hene.
Amed di hejmara pez û bizinan de li Tirkiyeyê bajarê çaremîn e.
#WÊNE - Rêwîtiya payizê ya koçerên Kurd dest pê kir
— RudawKurdi (@RudawKurdi) November 7, 2025
Koçer 10 roj in bi keriyên xwe re di rê de ne
Koçerên Kurd ên ku mehên bihar û havînê li zozanên hênik ên di navbera Amed û Mûşê de derbas kirin bi daketina pileya germahiyê re dest bi rêwîtiya vegerê kir pic.twitter.com/O7H3rBeoJU
.jpg&w=3840&q=75)
