Hewlêr (Rûdaw) - Saziya Keşnasiyê ya Tirkiyeyê li 63 parêzgehên Tirkiye û Bakurê Kurdistanê hişyariya "koda zer" a baran û berfê da.
Li gorî Saziya Keşnasiyê, li bajarên wekî Amed, Erzirom û Wanê berf û baran dê bi hev re bibarin.
Saziya Keşnasiyê ragihand ku îro li 63 bajarên Tirkiye û Bakurê Kurdistanê baran û berf tê pêşbînîkirin.
Saziyê ji bo bajarên Agirî, Çewlîg, Bedlîs, Amed, Erzingan, Erzirom, Colemêrg, Qers, Mûş, Sêrt, Sêwaz, Dêrsim, Wan, Êlih, Şirnex, Erdexan û Îdirê di asta zer de hişyariya baranê da.
Her wiha hat diyarkirin ku li Amed, Erzirom, Qers, Meletî, Wan û Dîlokê berf û baran dê bi hev re bibarin.
Barana gur û bahoz
Li gorî pêşbîniyan, li bajarên Agirî, Mûş, Qers, Bedlîs, Erzirom, Colemêrg, Şirnex, Wan, Îdir, Erdexan û Sêrtê yên Bakurê Kurdistanê barana gur dibare û ba û bahoz radibe.
Ji bo van bajaran hişyariya koda zer hat dayîn.
Saziya Keşnasiyê ji bo egera lehî, brûsk, zîpik, aşût û pirsgirêkên trafîkê hişyariyê dide welatiyên li wan bajaran û daxwaza wergirtina tedbîran dike.
.jpg&w=3840&q=75)
