Hewlêr (Rûdaw) - Hêzên Ewlekariya Hundirîn a Helebê (Asayîş) ragihand ku tevî topbarana hov û dijwar a bi tank û topan a li ser taxên sivîlan, berxwedana wan a li dijî êrişên komên artêşa Ereban a Sûriyeyê di roja sêyem de didome.
Asayîşê diyar kir ku di vê çarçoveyê de, li derdora Çerxerêya Yekem a li taxa Eşrefiyeyê pevçûnên gelekî dijwar diqewimin.
Hêzên Asayîşê bi êrişeke birêkûpêk û bi hêz bersiva hewlên bipêşveçûna komên çekdar didin û li dijî wan berxwedaneke mezin nîşan didin.
Di daxuyaniyê de hat diyarkirin ku komên êrişkar bi awayekî heremkî û bi zanebûn her du taxan topbaran dikin û binesaziya sivîl dikin armanc.
Di vê çarçoveyê de Nexweşxaneya Xalid Fecir cara duyem hate topbarankirin. Ji ber bombebarana li ser taxên niştecihbûnê wêraniyeke mezin çêbûye û li gorî agahiyan hinek sivîl hîn di bin kavilên avahiyên hilweşiyayî de ne.
Asayîşê di berdewamiyê jî de got, “Ev alozî di çarçoveya êrişeke berdewam de ye ku jiyana sivîlan dixe metirsiyê û karesata mirovî ya li herêmê kûrtir dike.
Her wiha dron li asmanê herêmê digerin û dorpêça li ser her du taxan hîn zêdetir hatiye tundkirin.”
.jpg&w=3840&q=75)
