Hewlêr (Rûdaw) - Hêzên Ewlekariya Hundirîn a Helebê (Asayîş) ragihand ku wan êrişeke berfireh a komên çekdar a li ser taxên Şêx Meqsûd û Eşrefiyeyê şikandiye.
Di daxuyaniyê de hat diyarkirin ku zererên mezin gihîştine êrişkaran û plana wan a leşkerî ya ji bo dagirkirina taxan hatiye pûçkirin.
Li gorî daxuyaniyê, piştî sê rojên topbarana bêrawestan a bi tank, mûşekên Grad û çekên giran, wan komên çekdar berê sibêya îro êrişên xwe gurtir kirin. Hat gotin ku armanca vê "êrişa hovane" tirsandina sivîlan û koçberkirina wan a bi zorê bûye.
Piştî topbaranê, komên çekdar hewl daye ku bi zêdetirî 60 tank û wesayîtên zirxî, bi dehan wesayîtên leşkerî û bi hezaran çekdaran bi pêş ve werin.
Her wiha balafirên bêfirokevan jî piştgiriya vê êrişê kiriye.
Asayîşê eşkere kir ku li eniyên Eşrefiye, Kastello û Cebanan berxwedaneke mezin hatiye nîşandan û êrişkar hatine neçarkirin ku paş ve bikişin.
Di encama şer de tankek û 5 wesayîtên leşkerî hatine rûxandin, 7 dronên xwekuj hatine xistin û bi dehan çekdar hatine kuştin.
Hat gotin ku piştî şikestinê, komên çekdar ducare dest bi topbarana hovane ya taxan kiriye.
Hêzên Ewlekariya Hundirîn a Helebê teqez kir ku ew ji bo parastina sivîlan di amadehiyê de ne û hikûmeta Şamê ji vê êrişê û encamên wê berpirsyar dît.
Asayîşê ragihand ku mafê wan ê rewa heye ku bi her rêyê parastina gel û taxên xwe bikin.
#VÎDEO - Asayîşa taxên Kurdan tankeke din a Artêşa Ereban a Sûriyeyê teqand
— RudawKurdi (@RudawKurdi) January 8, 2026
Asayîşa taxên Kurdan ên li Helebê:
💢 ❝Hikûmeta Şamê wesayîtên zirxî yên xwe li Eşrefiyeyê hiştin û reviya❞
💢 ❝Hêzên Asayîşê tankeke komên hikûmeta Şamê teqand❞
💢 ❝Ev tanka duyem a komên… pic.twitter.com/ni8jKHbkWT
.jpg&w=3840&q=75)
