Hewlêr (Rûdaw) - Navenda Ragihandinê ya Hêzên Ewlekariya Hundirîn (Asayîş) a Helebê îdiayên Wezareta Parastinê ya Sûriyeyê yên derbarê kontrolkirina ji sedî 90ê taxa Şêx Meqsûdê de red kirin.
Asayîşê di daxuyaniya xwe de ragihand ku ev îdia "derew û manîpulasyon" in û ti têkiliya wan bi rastiyê re nîne.
Hat diyarkirin ku armanca van nûçeyan veşartina sûc û binpêkirinên li dijî sivîlan e.
"Şerê kolanan didome"
Di beşeke din a daxuyaniyê jî de hat eşkerekirin ku li eniyên taxa Şêx Meqsûdê şerê kolanan ê dijwar di navbera hêzên wan û "mîlîsên hikûmeta Şamê" de didome.
Asayîşê teqez kir ku wan windahiyên mezin dane hêzên êrişkar.
Di daxuyaniyê de hat gotin ku topbaran û êrişên bi tankan ên li ser taxê bi awayekî hovane berdewam dikin.
Asayîşê hikûmeta Sûriyeyê bi wê yekê tohmetbar kir ku binesazî û nexweşxaneyan dike armanc da ku tirsê bixe dilê şêniyan.
.jpg&w=3840&q=75)