Hewlêr (Rûdaw) - Encamên destpêkê yên fermî yên hilbijartinên Parlamentoya Îraqê yên li parêzgeha Kerkûkê hatin eşkerekirin.
Li gorî daneyên Komîsyona Bilind a Serbixwe ya Hilbijartinan a Îraqê, Yekîtiya Niştimanî ya Kurdistanê (YNK) hem herî zêde deng standiye û hem jî herî zêde kursî bi dest xistiye, lê Kurdan kursiyek ji dest daye.
Li Kerkûkê hejmara hilbijêrên tomarkirî 953 hezar û 267 e û hejmara dengderan jî 619 hezar û 786 e. Li gorî vê yekê rêjeya beşdariyê ji sedî 65,02 bûye.
Li bajêr 5 hevpeymanî, 9 partiyên siyasî û 7 namzedên serbixwe, bi giştî 252 namzedan hevrikî kir.
Kerkûk bi 13 parlamenteran li Parlamentoya Îraqê tê temsîlkirin ku yek ji wan ji kotaya Xiristiyanan e.
Dengên partiyan
Yekîtiya Niştimanî ya Kurdistanê (YNK): 178,629 deng
Partiya Teqedum: 107,016 deng
Bereya Tirkmenî ya Yekgirtî ya Îraqê: 66,175 deng
Partiya Demokrat a Kurdistanê (PDK): 59,294 deng
Hevpeymaniya Qerar El-Muqtedir: 53,039 deng
Hevpeymaniya Îraq û Ezim: 46,404 deng
Hevpeymaniya Bereya Tirkmenî ya Kerkûkê: 32,721 deng
Dabeşkirina kursiyan li Kerkûkê
Yekîtiya Niştimanî ya Kurdistanê (YNK): 4 kursî
Teqedum: 3 kursî
Bereya Tirkmenan: 2 kursî
Partiya Demokrat a Kurdistanê (PDK): 1 kursî
Hevpeymaniya Erebî: 1 kursî
Hevpeymaniya Ezim: 1 kursî
Di hilbijartinên serdema pêncemîn a Parlamentoya Îraqê de ku sala 2021ê hatibûn kirin, partiyên Kurdistanî li Kerkûkê bi giştî 6 kursî bi dest xistibûn.
YNKyê ku di hilbijartinên berê de 5 kursî bi dest xistibû, di van hilbijartinan de 4 kursî standin.
.jpg&w=3840&q=75)