Hewlêr (Rûdaw) - Li navçeya Bêsniyê ya parêzgeha Semsûrê ya Bakurê Kurdistanê kesekî hevjîna xwe û hevlingê xwe kuştin.
Li gorî agahiyan li taxa Aşagisarhanê ya navçeya Bêsniyê di navbera A.S.yê hostayê boyaxê û hevjîna wî Selvî S.yê de ji ber sedemeke nediyar nîqaş derket.
Hevlingê A.S., Muharrem A.yê deng bihîstibû û bi armanca aramiyê çûbû mala wan.
Piştî ku nîqaş mezin bû A.S. bi demançeyê gule li hevjîna xwe û hevlingê xwe reşandin.
Li ser agahdarkirinê polîs û tîmên tenduristiyê çûn cihê bûyerê.
Tîmên tenduristiyê diyar kir ku Selvî S. û Muharrem A. li cihê bûyerê mirine.
Piştî lêkolînên li cihê bûyerê cenaze veguhastin morgê.
Polîsan ji bo girtina A.S.yê ku piştî bûyerê reviyaye dest bi xebatan kir.
#WÊNE - Li Semsûrê kesekî hevjîna xwe û hevlingê xwe kuştin
— RudawKurdi (@RudawKurdi) December 12, 2025
💢 Li navçeya Bêsniyê ya parêzgeha Semsûrê ya Bakurê Kurdistanê kesekî hevjîna xwe û hevlingê xwe kuştin pic.twitter.com/IcaeR0wbw6
.jpg&w=3840&q=75)
