Hewlêr (Rûdaw) - Navenda Ragihandin û Çapemeniyê ya Hêzên Parastina Gel (HPG) nasnameya fermandar û gerîlayekê ku di Kanûna Pêşîn a sala 2021ê li herêma Gareyê jiyana xwe ji dest daye eşkere kirin.
HPGyê bi daxuyaniyekê nasnameya fermandara bi navê Berfîn Nûrhaq û gerîlaya bi navê Sema Rozayê eşkere kirin.
Li gorî daxuyaniyê fermandar û gerîlaya PKKyê 13ê Kanûna Pêşîn a 2021ê li herêma Gareyê di encama şer û pevçûnên bi artêşa Tirkiyeyê re canê xwe ji dest daye.
Di daxuyaniyê de hat diyarkirin ku Berfîn Nûrhaq Endama Meclisa PAJKê û Endama Konseya Fermandariya HPG û YJA Starê bûye.
Her wiha di Fermandariya Akademiyên Apollo û Fermandariya Biryargeha Navendî ya YJA Starê de cih girtiye.
HPGyê di daxuyaniya xwe de sersaxî ji malbatên gerîlayan û gelê Kurdistanê re xwest û soza domandina têkoşîna wan da.
Li gorî daxuyaniyê agahiyên nasnameyên fermdar û gerîlaya HPGyê wisa ne:
Berfîn Nûrhaq: Navê wê yê fermî Hanim Han Demîr e, li Mereşa Bakurê Kurdistanê ji dayîk bûye.
Navê dayîka wê Besê û navê bavê wê Abdullah e. 13ê Kanûna Pêşîn a 2021ê li Gareyê canê xwe ji dest daye.
Sema Roza: Navê wê yê fermî Încî Sumbul e, li Erziroma Bakurê Kurdistanê ji dayîk bûye.
Navê dayîka wê Besra û navê navê wê jî Faruk e. 13ê Kanûna Pêşîn a 2021ê li Gare canê xwe ji dest daye.
.jpg&w=3840&q=75)