Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) Mezlûm Ebdî ji bo beşdariya Foruma Aştî û Ewlehiyê ya Rojhilata Navîn gihîşt Dihokê.
Şandeya Rojavayê Kurdistanê ya ku ji Fermandarê Giştî yê HSDyê Mezlûm Ebdî û Hevseroka Daîreya Pêywendiyên Derve ya Rêveberiya Xweser Îlham Ehmed pêk tê danê êvarê gihîşt Dihokê.
Şande dê sibe beşdarî Foruma 6emîn a Aştî û Ewlehiyê ya Rojhilata Navîn bibe ku li Zanîngeha Amerîkî ya Kurdistanê ya li Dihokê tê lidarxistin.
Malpera fermî ya Forumê hatina Mezlûm Ebdî piştrast kir.
Di forumê de, ku gelek kesayetên payebilind ên siyasî û ewlehiyê yên ji herêmê û cîhanê beşdar dibin, pirsgirêkên li Îraq, Kurdistan û Rojhilata Navîn tên gotûbêjkirin.
Tê payîn ku Mezlûm Ebdî di çarçoveya serdana xwe de li gel hejmarek ji berpirsên payebilind ên Herêma Kurdistanê jî hevdîtinan pêk bîne.
.jpg&w=3840&q=75)