Hewlêr (Rûdaw) - Weqfa Lêkolîn û Çandê ya Kurdî (KURT-KAV) konferanseke berfireh li dar dixe ku tê de "Rêxistinbûna Kurdan a beriya sala 1925an û pêwendiyên sosyo-polîtîk ên herêmê" bên gotûbêjkirin.
Konferansa bi sernavê "Rêxistinbûna Kurdî ya Beriya Sala 1925an û Peywendiyên Dêrsimê", dê 23yê Çiriya Paşîn di navbera saet 12:00 û 17:00an de li Otela Şaroglu bê lidarxistin.
Konferans dê bi bîranîna şehîdên Dêrsimê dest pê bike.
Di çalakiyê de, dê dînamîkên rêxistinbûnê yên wê serdemê, rola herêma Dêrsimê û pêwendiyên tevgerên civakî-siyasî yên Kurdan di pêvajoya dîrokî di çarçoveyeke akademîk de bên nirxandin.
Nivîskar û pisporên dîroka Kurdan dê di konferansê de biaxivin ku ew jî wisa ne:
- Dîroknas û nivîskar Mahmut Akyureklî
- Dîroknas û nivîskar Doç. Dr. Yalçin Çakmak
- Lêkoler û nivîskar Seîd Veroj
.jpg&w=3840&q=75)
